kalam bilal kazmi s.b

                                 Noha
                 (  Aansu baha raha h )

                             (1)
Anso baha raha hai sooraj bhi munh chupa ke.
Ye kis gharane wale mohtaj hain reda ke......

                             (2)
shame alam ki ghurbat zainab se koi puche.
Kaati hai raat jis ne anso jala jala ke........


                            (3)
kahti thi ye sakina dariya se aao ammoo.
bedeen hans rahe hain mujh ko rula rula ke........


                           (4)
hangame asr sheh ka chehra chamak raha hai.
yun dil badha diya hai asghar ne muskura ke....


                           (5)
laila yahi khuda se karti rahi duaen.
koi jawan na soye naiza jigar pe kha ke.....  


                          (6)
lagta hai galbe shabbar pamal ho gaya hai.
shabbir la rahe hain tukde utha utha ke......


                          (7)
lashon pe waaliyon ki raandon ka tha ye nauha.
barbad ho gaye ham karbobala me aa ke......


                         (8)
zahra ki betiyon ke sar par nahi hai chadar.
Sajjad chal rahe hain ghairat se sar jhuka ke.....

 
                          (9)
kunba mera khan hai mai kya jawab dongi.
puchegi jab ke sughra mujh se watan me ja ke....


                         (10)
zahra tere pisar ko karbobala ke ban me.
zalim ne mar dala khanjar chala chala ke..........


                         (11)
ham ko bilale sarwar duniya se kya gharaz hai.
naukar hain ham azal se mazloome karbala ke.....

Kalam : bilal kazmi s.b